by Sugar control food in malayalam : ലോകമെമ്പാടുമുള്ള ദശലക്ഷകണക്കിന് ആളുകളെ ബാധിച്ചിരിക്കുന്ന ഒരു രോഗാവസ്ഥയാണ് പ്രമേഹം അഥവാ ഡയബറ്റിസ്. ശരീരം പഞ്ചസാര എങ്ങനെ പ്രോസസ് ചെയ്യുന്നു എന്നതിനെ ബാധിക്കുന്ന ഒരു അവസ്ഥയാണ് ഇത്. ഇൻസുലിൻ എന്ന ഹോർമോൺ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു അത് ശരിയായി പ്രവർത്തിക്കുന്നില്ലെങ്കിൽ വിവിധ ആരോഗ്യപ്രശ്നങ്ങൾക്ക് കാരണമാകും. ശരീരം ഇൻസുലിൻ എന്ന ഹോർമോൺ ആവശ്യത്തിനു ഉല്പാദിപ്പിക്കുന്നില്ല.
അല്ലെങ്കിൽ ശരിയായി ഉപയോഗിക്കാൻ കഴിയില്ല. ടൈപ്പ് വൺ പ്രമേഹം സാധാരണയായി കുട്ടികളിലും യുവാക്കളിലും കാണുന്നു. ശരീരത്തിന്റെ പ്രതിരോധ സംവിധാനം പാൻക്രിയാസിലെ ഇൻസുലിൻ ഉല്പാദിപ്പിക്കുന്ന കോശങ്ങളെ തെറ്റായി ആക്രമിക്കുകയും നശിപ്പിക്കുകയും ചെയ്യുന്നതാണ് ടൈപ്പ് വൺ പ്രമേഹം. എന്നാൽ പ്രമേഹത്തിന്റെ ഏറ്റവും സാധാരണയായ രൂപമാണ് ടൈപ്പ് ടു പ്രമേഹം.
ജീവിതശൈലിയിലെ മാറ്റങ്ങളാണ് പ്രധാനമായും ഇതിന് കാരണമാകുന്നത്. അമിതഭാരം, വ്യായാമ കുറവ്, ജനിതക മുൻകരുതൽ തുടങ്ങിയവയാണ് ഇതിൻറെ കാരണം. കാലക്രമേണ ഉയർന്ന രക്തത്തിലെ പഞ്ചസാര രക്തക്കുഴലുകൾക്കും ഞരമ്പുകൾക്കും കേടുപാടുകൾ ഉണ്ടാക്കുന്നു ഇത് ഹൃദയരോഗങ്ങൾ, പക്ഷാഘാതം, വൃക്ക രോഗങ്ങൾ, കാഴ്ച പ്രശ്നങ്ങൾ തുടങ്ങിയവയിലേക്ക് നയിക്കുന്നു.
നിരന്തരമായ വിശപ്പ്, ശരീരഭാരം കുറയുക, ക്ഷീണം, ഇരുണ്ട ചർമം, ഇടയ്ക്കിടെ മൂത്രം ഒഴിക്കൽ, വർദ്ധിച്ച ദാഹം, മങ്ങിയ കാഴ്ച, പതുക്കെ സുഖപ്പെടുന്ന വ്രണങ്ങൾ തുടങ്ങിയവയെല്ലാമാണ് പ്രമേഹത്തിന്റെ പ്രധാന ലക്ഷണങ്ങൾ. ആരോഗ്യകരമായ ഭക്ഷണ രീതിയും ചിട്ടയായ വ്യായാമവും ഒരു പരിധിവരെ ഈ രോഗം വരാതെ തടയുന്നു. പ്രമേഹത്തെക്കുറിച്ച് കൂടുതൽ അറിയുന്നതിനായി ഡോക്ടർ പറയുന്നത് ശ്രദ്ധിക്കുക.
https://youtu.be/d2yN2R8AW_Q
